غريبية 🌺
✅مقادير 👇🏻👇🏻
كيلة سمن ذايب 🧈و بارد (لي تحب دير زبدة يليق تذوقها و تبردعا و تصفيها من ماها )
كيلة ناقصة شوية سكر ناعم
فانيليا
كيلة كاوكاو 🥜محمص بالقشور (لازم يتحمص على نار متوسطة و يتحمر ملللييح حتى يرجع بني فاتح هذا سر من أسرار بنتها )
زوج كيلات فرينة محمصة على نار هادية مالازمش تزربولها راه تتشلفط بلا ما تدي بنة التحماص اابنينة و نخليوها تبرد
من بعد نغربلوها
✅التحضير 👇🏻👇🏻
نخدم السكر و السمن حتى يبيااااضووو
نزيد لافاني و نخلط
من بعد الخليط هذا نلوحو على المواد الجافة (خليط الفرينة و الكاوكاو )
و نبدأ نخدم بكف اليد .. لازم نحكها مليح خطرش سر خدمتها في حرارة الكف و الخدمة لازم تتخدم بالطول هكذا تضمنو انا السمن دخل في الفرينة مليح و ما طيحلكمش في الفرن
>ضرك نوعية الفرينة تلعب دور كاينة لي تكفيها هاذ الكمية و تتلم
و كاين اي تحب شوي زيادة ما تفوتش الربع .. اذا حبت الزيادة نزيدو فرينة بيضا نورمال
>>>>>كيفاش نعرفها دات حاجتها كي بعد الخدمة الطويلة راح شغل تبدأ تتفرتت نحبس
راح نلمها و نطرحها بمول مدور ندير هليلات
المبتدئين لي تخاف تطبع بمول هلال مباشرة.. تقدرو ديرو مول معمول و تضغط ملييح
الكاوكاو من فوق نلصقوه اما بالماء او بياض البيض انا نفضل بياض البيض احسن
>الطياب طيب في فرن مسخن خمس دقايق قبل ما يكونش بزاف سخون ما تحبش الصهد .. يكون 160 كأقصى حد
مدة ربع ساعة
ليست هناك تعليقات:
إرسال تعليق