بريوات بعقدة كاوكاو غنعطيكم زوج طرق ❤
✅الطريقة 1 لعقدة بلكاوكاو: ناخدو كيلو كاوكاو (كاوكاو رومي كتكون ريحتو خفيفة)نخويو عليه ماء غلياء لمدة خمسة دقائق ونفسخوه ونغسلوه مزيان من بعد نضيفو لماء حتى يتغطى كوولو ونضيفو ليه روح اللوز وحد زوج معالق كبار (او أكتر ) ونخليوه يبات ليلة كاملة من بعد نصفيو لماء نعملوه فبرمة ولكاوكاو فلكسكاس ونبخروه مزيااااااان حتى يطيب وفنفس لوقت كيشرب روح اللوز صافي كيولي منسم مزيان نخليوه ينشف ونطحنوه مع نصف لكمية ديالو سكر ونجمعوه بالزبدة وماء زهر شوية قرفة ولقرنفل
✅الطريقة 2 : ناخدو كاوكاو نفسخوه نضيفو ليه روح اللوز حتى يشربها مزياان ونضيفو ليه زوج حتى لتلاتة معالق زيت وندخلوه يتحمر فلفران مزيان ونكملو بنفس الطريقة لعقدة لمعروفة حتى الى ما جاتش فيه ريحة مزيان ضؤفو ليه مزال روح اللوز فاش تبغيو تجمعوه وهاد الطريقة ديال لفران تقدرو تعملوها حتى اللوز كتجي حسن من لقلي.
وبالصحة والراحة
ليست هناك تعليقات:
إرسال تعليق