كيكة بالشكلاط رائعة و لذيذة 🤎
بالنسبة المقادير:
3 بيضات
كأس الا ربع سكر مايعادل 100غ
نص كاس زيت مايعادل 75 غ
كأس سميدة مايعادل 130 غ
خمارة ونص مايعادل 12 غ
يوغورت طبيعي وزن 110 غ
ملعقتين دقيق
2 ساشي كاكاو مر
ربع كاس زبدة مايعادل 35 غ
واحد 80 غ شكلاط أسود من الأفضل نوعية جيدة الا توفر
ملح وفانيلا
نخلطو البيض السكر الفاني الملح ثم ندوب الزبدة مع الشكلاط ونضيفهم نخلط (تأكدو أنه مسخونش) نضيف زيت اليوغورت ونخلط واخيرا المكونات الجافة (سميدة دقيق خميرة كاكاو) ونفرغ قالب مدهون بزبدة ومرشوش بدقيق والى الفرن حرارة 180 حتى طيب
نوجد سيرو :فيه كأس سكر كأس ونص ماء 2 کاکاو و 50 غ شكلاط اسود نخليه يغلي واحد خمس دقايق ونطفي ونخليه يبرد ملي طيب البسبوسة نسقيها بسیرو بارد وهي سخونة ونخليها تبرد
تماما عاد نحيدها من المول ونزينها كيفما بغيت.
انا زينتها بگاناش و لوز ايفيلي.
ملاحضة: الا معندكمش مع الحلاوة نقصو من السكر في الخليط ولا السيرو حيت كتجي شوية حلوة
ليست هناك تعليقات:
إرسال تعليق