#صابلي
المقادير
150 غ زبدة نوع جيد
50 غ سكر ناعم
رشة ملح وفانيلا
ملعقتين زيت
ملعقة نشا ذرة
بيضة
دقيق حسب الحاجة تقريبا 300 غ
الطريقة🧐✍️
نخدمو السكر الزيت الزبدة فاني الملح ونزيدو البيض ونخلطو مزيان نجمعو العجين بالدقيق والنشا تكون خفيفة ونقسموها على جوج وحدة نزيد لها الكاكاو
ندخلهم الثلاجة حتى تبرد العجينة وتشد مزيان ونبداو نطلقوها رقيقة بين جوج بلاستيكات نقطعو الاشكال لي بغينا وندخلوها المجمد قبل منحيدو القطع حتى يجمد الصابلي باش ملي نحيدو الصابلي ميعواج
نستفهم في اللاطة انا استعملت داك تابي لي كيجي مثقب باش عطا داك الشكل (ماشي ضروري)
ندخلوه الفران حتى يطيب
التزيين حسب الرغبة انا الشكل الدائري دهنت النص بخليط كلوكوز وناباج ولصقت لوز ايفيلي وفي الوسط المربى ديال المشمش
الشكل المربع دهنت النص بنفس الخليط لصقت لوز كونكاسي والوسط درت الكراميل
ملاحظات مهمة باش ينجح معاكم🛑🛑
العجينة نفاداو تبقاو تخدمو فيها بزاف يعني غير تجمع صافي كترة العجن هي لي كتخليه يديفورما في الفرن بسبب الگلوتين لي في دقيق
+خصو يرتاح في الثلاجة واحد الساعة
باش يجي محمر ومقاد في اللون ضروري الصبر في الطياب 150 درجة هي الحرارة لي كنطيبو عليها والغاز النار مهيلة بزاف
باش يجيكم مقرمش متقسحوش العجينة خصها تكون رطبة وضروري زبدة نوع جيد بالصحة والراحة
