مسمن_معمر بالشحمة والبصل 👌🏻😍
✨- مقادير العجين :
2 زلايف ديال الدقيق الابيض
1 زلافة دقيق سميد القمح (الفينو)
شوية خميرة الخبز راس ملعقة
ملح
الماء الكافي باش نجمعوا العجينة كندلكوها مزيان ونخليوها ترتاح بين مانوجدوا الحشوة
✨- مقادير الحشوة :
2 حبات بصل كبار مقطع رقيق بزاف
2 حبات فلفل حلو مقطع رقيق
القزبر والمعدنوس
شحمة الغنمي محكوكة
زيت نباتيّة
ابزار (فلفل اسود)
سكينجبير (زنجبيل)
خرقوم بلدي (كركم)
تحميرة (بابريكا)
كامون
ملح
فالمقلة كنشحرو البصلة والفلفل حتى تذبل وطيب مزيان ونضيفوا الشحمة والتوابل والقزبر والمعدنوس نخليها طيب مزيان ونݣرصوا العجينة بحال مسمن عادي نعملوها كويرات متوسطين ونݣرصوها ونديروا الحشوة ونطويوها على شكل مربع حتى نسالويهم ونبداو نطيبو فيهم
بالصحة والعافية 🥰
ليست هناك تعليقات:
إرسال تعليق