وصفة اليوم شنيك بالكريم باتيسيير والزبيب روعة💙
المقادير
300 غ دقيق ابيض مايعادل 3 كؤوس
35 غ خليط زبدة مذابة وزيت مايعادل ربع كأس
ملعقتين ك سكر
ملعقة صغيرة ونصف خميرة الخبز
150 مل حليب في حرارة المطبخ مايعادل كأس
فانيلا وملح
نص خميرة حلويات أو 4 غ
بياض بيضة صغيرة ونحتفض بالصفار للتزيين
100 غ زبدة للتوريق
كريم باتيسيير وزبيب للحشو
كنعجنو جميع المكونات جيدا ونخليو العجينة ترتاح مدة عشر دقايق
نطلقوها بمساعدة الدلاك لمستطيل كبير وندهنوه بالزبدة لي على شكل بوماد(مرهم) او كريما ونخليو شوية زبدة
نطوي العجين على 3 بحال الا غادي نطوي المسمن
ونعاود ندهن الزبدة لي بقات على طول المستطيل ونلويه.
نوضعو في بلاستيك وندخلو يرتاح في الثلاجة مدة نصف ساعة.
من بعد نطلق العجين وندهنو بالكريم باتيسيير ونرش الزبيب ونلوي العجين ونقطعو دوائر نوضعهك في صينية الفرن ونخليهم يخمرو مزيان. باعدو مابينهم حيت كيتنفخو بزاف
ندهنهم بالصفار ديال البيض مخفف بالحليب وندخلهم الفرن مسخن مسبقا حتى يطيبو ونزين الوجه بالناباج ورقائق اللوز
