وصفة قاطو صابلي :
250 غ مارغرين كأس سكر قلاصي حبة بيض كاملة وواحدة صفار لافاني ربع كأس زيت 2 مغارف كبار نشاء،خلطيهم بالباتور ترجع crème لايمي بالفرينة ومغرف صغيرة خميرة كيميائية خليها تريح على الأقل نصف ساعة.
نصائح على #عجينة #الصابلي:
-اخدمي بالفرينة تع الباكي ماما ولا سفينة ولا سيم فقط تخرجلك العجينة بيضة و شابة تهبل
-الزبدة مالازمش تكون باردة لازم تكون كي لابوماد طرية دبري راسك كيفاش تطريها قبل ما تخدمي بيهم والا سوف تندمون
البيض تان مشي بارد خليه على برا
-السكر لازم ناعم هو و الفرينة غربليهم و الكاكاو تان مغربل ولافاني مغربل و زيدي هذيك رشة ملح عندها معنى ، ياو مشي تملحيه رشة برك
-الفرق بين سكر ناعم و سكر عادي تع القهوة انو السكر الناعم فيه نسبة من النشاء ، السكر عادي مفيه والو 🙄
-العجينة خليها ترتاح امبعد اخدمي بيها وش قلقك 😒 كي ترتاح حليها على ساشي و فوقها ساشي و ارفدي الحبة بالساشي ، وديجا كاين حل وحداخر شفتي سطح العمل لي يخدمو عليه تقدري تشري زوج و تحطي العجينة بيناتهم و تحلي تجي الخدمة مليحة بخوفيشيونال 😒 زعما ايواه بش متتكمش
قطعي بالقطاعات تع حديد ولا المنيوم و طيبي الصابلي على tapis silicone ذاك لي جاي مثقب فيه مربعات صغار
الفرن سخنيه على 180 درجة و طيبي الصابلي
ليتخدمو تبارتاجي حنة يديها يشهد عليا ربي هاذو هما الوصفات لي نخدم بيهم بصحتكم
و الديكور راه هبال ننص
وننصح الحلوجيات متخدموش صابلي من دروك لانو يتندى و مايكونش مقرمش.
ليست هناك تعليقات:
إرسال تعليق