اولا كنوجدو شرمولة فيها 2 حامضات معصورين ملعقة كبيرة عطرية الحوت عطرية بسطيلة الهريسة ثومة زعتر قزبر معدنوس تحميرة صلصة صوجا صلصة السمك حامض مصير شوية موطارد شوية كامون كنخلطو كلشي كنشرملو الحوت الابيض كيلو ونصف ندخلوه الفران عافية مجهدة باش ميطلقش كناخدو اناء نديرو الماء يسخن معا الحامض ثومة زعتر ورقة موسى نخليوه يغلى باش طلق نكهة من بعد نصفيو داكشي او نديرو كلمار يتسلق مدة 5 دقائق نحيدوه نفس الماء كرقدو فيه شعرية صينية (الا كانو قشور كروفيط نديروهم في داك الماء باش يطلقو فيه مذاق من بعد نصفيوهم او نديرو شعرية في الماء)كناخدو مقلة نديرو شوية زيت زبدة معلقة شرمولة كنشحرو الكروفيت 5 دقائق على نار عالية باش ميطلقش الماء بنفس طريقة كنشحرو كلمار و الفطر الاسود و الفطر المعلب و البورو اي حاجة درناها نسقطروها باش متجيش بسطيلة معجنة او داكشي لي غادي يتسقطر نديروه فوق شعرية بعدما نصفيوها من الماء من بعد كنخلطو كلشي نزيدو زيتون مقطع اخضر فلفلة الوان مشحرة او كنشوفو واش ناقص الملح او الحار او الحامض بالنسبة الحوت الابيض كنديروه مني نكونو نجمعو البسطيلة حيتاش كيتفرتت او رشو الفرماج بالنسبة الطريقة مونطاج راها معروفة او دريساج كيبقى حسب الرغبة او بصحة وراحة
