تارتولات بلكرامال 🍯 او شوكولاطة 🍫
250 غ زبدة طرية
نص كاس زيت
كاس سكر قلاص
حبة بيض كاملة و وحدة صفار
ربع ملعقة صغيرة خميرة حلويات نوارة
لفاني
2 ملاعق كبيرة مايزينة
فرينة سيم
طريقة التحضير 🥰
في إناء ندير زبدة طرية مع سكر قلاص او نخلطهم مليح تم نضيف عليهم زيت او نخلط نزيد لفاني نزيد لبيض او نخلط تم نضيف مايزينة او نخلط مليح او نبدى ندير فرينة مع خميرة حلويات او لفاني او نخلط حتا نتحصل على عجينة طرية كيما تع صابلي غطيها بكيس بلاستيكي تريح مدة 10 دقائق او جيبي ليمول ديالك او ابداي شكليهم فلمول مليح وزن الوحدة 20 غ باش يجوك كامل كيفكيف شكليهم فليمول او اتقبيهم بلفرشيطة او ديريهم يطيبو على النار متوسطة كي يطيبو نحيهم من المول او خليهم يبردو باش تعمريهم
كي بردو عمرتهم بنيسلي كرمال مكنت زدتلو والو خلطتو برك او عمرت بيهم
طبقة تانية
شيكولا طلاء تارتيني درتها شوية في حمام مائي باش نقدر نديرها. فوق كرمال درت شوكولا 🥰🍫
تزيين اختياري 🥰
جوز لوز هنا كنت شربت 200 جوز او 200 بندق لتزيين
فقط
ملاحضة 😍 هاد الكمية ديرالك 50 حبة
50 حبة عمرتهم بعلبة وحدة تع نيسلي او علبة وحدة تع شوكولا طلاء
تقدري نيسلي تخدميه فدار
باش يتنحاولك من مول بسهولة رشيهم بشوية فرينة كي يطيبو رح يتنحاو بلخف
او كي يبردو باش تنحيهم باش ميتكسروش باسكو عجينة رح تكون طرية بزاف
لازم تتقبيهم بلفرشيطة باش ميتنفخوش
تقدري طيبيهم صباح او تعمريهم فليل ولا غدوة ميصرالهم والو بصحة أو الراحة عليكم❤️🌹
