وبعد الالحاح الكبير لطلب وصفة قاطو شوكولا بكريمة الزبدة راني عاودت كتبتها بالتفصيل و لي كانو تابعوني ماقبل يخدمو غير بيها :
#العجينة:
250 غ زبدةطرية كأس قل صبع سكر ناعم حبة بيض و 1 صفار 3 ملاعق كبار كاكاو بني ملعقة كبيرة حلوة الترك مفتة مليح وربع كاس زيت نخلط كلش مليح حتى نتحصل على كريمة ومبعد مغرف 2 مغارف مايزينة ومبعد نلايم بالفرينة ومغرف صغيرة خميرة كيميائية نخلي العجينة ترتاح وحد الساعة كل متريح مليح
ونحط العجينة في ساشي ونطبع فوق الساشي باه جي بومبي و كي طيبو نخليهم يبردو نلصقهم بكريمة الزبدة
#كريمة الزبدة:
انا درت 125 غ زبدة طرية وكاس سكر ناعم و2 مغراف كرام شانتيي وحلوة الترك ولافاني و شوكولا تاغتيني او اي حاجة بنينة ونطلعها بالباتور .بعد متلصقيهم خليهم نصف ساعة مبعدا طليهم بالشوكولا انا درت دادا حليب مع بندق و اومبسادور بيضاء جي بنينة بزاف والتزيين حسب الرغبة .
