عرفتوا إلى جربتو السردين بهاذ الطريقة عرفتوا واحد المذاق مادايرش غادين توليو مدمنين عليه تبعوا معايا المقادير والطريقة 👇👇👇👇👇
مقادير شرمولة السردين:
كمية السردين حسب الرغبة
التحميرة
الابزار
الثمومة 6 اضراس
الملح
الكمون شوية
شوية ديال الحامض مصيّر أو عصير حامضة طرية
شوية زيت العود او الرومية
ربيع مقطع رقيق يكون كثير شوية
واللي تحب الحرور تزيد شوية الهريسة
طريقة :
نخلط كل العناصر مع بعضها ولا نظيف ابدا الماء لان الزيت اللي درناه سيساعد على خلط العناصر بالاظافة ان الماء كيمرّج الخليط وكيـبسْـلو
كناخذوا السردين منقي من السلسول والشوك ومغسول ومسقطر نديرو سردينة مفتوحة ونعمروها بشوية من الخليط ثم نغلقها بسردينة اخرى ..ثم نفرغ ما تبقى من الخليط على ظهر السردين ونتركه يتشرب مزيان وبعد مدة من الوقت
نمرغوها فالفورص ونقليها في حمام زيت ساخن جدا...
ندوزوا لشرمولة مطيشة👇👇
خودي فلفلة خضراء وحمراء مشويين وقطعيهم مربعات وخودي 4حبات مطيشة قشريهم وقطعيهم ومتخلطيهمش حكي 3فصوص ثوم والملح على مطيشة بوحدها وخودي الفلفل اللي قطعتي وقوليها فالزيت حتى تدبال وكحزيها فجنب المقبلة وهبطي الزيت اللي كيكون سخون لوحي فيها مطيشة وحركيها مزيان ومن بعد خلطيهم بزوج وزيدي فيهم لبزار مشي بزاف و راس المعلقة ديال سنيدة وقطعي عليهم القبر والمعدنوس وحركيهم شوية وزيدي زيت الزيتون عليهم
وخوذي السردين لي قليتي ستفيه فوق الشرمولة ومن الأحسن تكوني درتي الشرمولة فشي مقلة واسعة ...ملي تستفي ݣاع السردين خليه فوق العافية 3فقط غير دخلو السخونية ويتشرب الشرمولة وطفي عليه ورشي من الفوق شوية القزبر والمعدنوس طري وقدميه بالصحة والراحة...
انا هاذي هي الطريقة والله يلا كتجي بنينة بزاف الى جربتوه بهاذ الطريقة غادي يولي معتمد عندكم....
