سيقار مالح على طريقة الجزائرية
المقادير:
2 كيسان فرينة .
ملعقة صغيرة خميرة الخبز .
ملعقة صغيرة خميرة الحلويات.
ملعقة صغيرة سكر .
ملح .
3 ملاعق زيت + ملعقة زبدة ذايبة
ماء دافيء .
نخلط الفرينة والخميرة والسكر ونبسسهم مليح بالزيت والزبدة من بعد نزيد الملح ونجمع بالماء الدافيء حتى نتحصل على عجينة طرية ،نخليها حوالي ربع ساعة تخمر ومن بعد نحلها ونقطعها الى اشرطة ونشكلها على المول تاع السيقار بعدما دهناه بالزيت او الزبدة ونطلي السطح بصفار البيض ونزينه بالسانوج والجلجلان وندخله الفرن .
الحشو:
في كسرونة نحط كاس حليب مع ملعقة كبيرة مايزينة والملح والقليل من الفلفل الاسود ونحلهم مليح بالفوي ،من بعد نحطهم على نار قليلة حتى يثقال الخليط .نطفي ونزيد عليه الجبن وتون زيت ( نصفوه من الزيت ).
وفي الاخير نحشي السيقار بالحشو ونطلي الاطراف بالقليل من الكريمة ونزينهم بالجبن المبشور
ليست هناك تعليقات:
إرسال تعليق